Popular Bible Verses from Исаёс 62

Share

Тут на кхарна буты́р “ячкирдо (ячадо)”, пэ тыри́ пхув на пхэнэ́на “чхучи́”, нэ кхарэ́на тут “исын кэ ёв Мири́ лачхи́ во́ля”, а пхув тыри́ кхарлапэ “палоромитко”, пал-дова́ со Ра́скирэ-Дэвлэ́скири во́ля исын лачхи́ кэ ту, и пхув Тыри́ сы́рбы палоро́м джа́ла.

Ерусалимо! Мэ чхудём пэ тырэ́ ва́нты ракхибнарьен, савэ́ ни дывэсэ́ ни раты́ на пириячэна тэ пхэнэ́н лав. Тумэ́, кон пхэнэ́ла пал Дэвлэ́стэ, на пириячэн тэ ракирэ́н! На пириячэн тэ ракирэ́н анги́л Лэ́стэ, пока Ёв ґаздэ́ла Ерусалимо и на кэрэ́ла Лэс барипнаса (шарибнаса) пэ пхув.

Ту явэ́са шарибнытконэ вянкаса дро васт Ра́скирэ-Дэвлэ́скиро, сыр крали́скирэ диадэмаса ту явэ́са пэ тырэ́-Дэвлэ́скиро васт.

Сыр тэрно́ чхаво́ лэ́ла пэ́скэ патываля чха, адя́кэ кэрэ́на ту́са тырэ́ чхавэ́; сыр тэрно́ радынэ́лапэ тэрнятыр, адя́кэ радынэ́лапэ пал ту́тэ тыро́ Дэвэ́л.