Popular Bible Verses from Исаёс 30

Share

И кана́ тырэ́ шунэ́на лав, саво́ ракирэ́ла пала́л ту́тэ: “Акэ, исын дром, джа́н пир лэ́стэ”; ко́ли ту зджаса дромэ́стыр пэ чачи́ (право) риг ци пэ зэ́рво (ле́во) риг.

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Адя́кэ ракирэ́ла Рай Дэвэ́л, Дэвэ́л Свэ́нто Израилёскиро: “Ко́ли б тумэ́ ячнэ́пэ пэ екх штэ́то, тэ́ньчи бы тумэ́ зракхнэпэ; штылыпэн и наде́я исын зор тумари́, нэ тумэ́ на закамлэ.

И дэ́ла тумэ́нгэ Рай Дэвэ́л маро́ дрэ биба́хт и пани́ дрэ би́да; тырэ́ сыкляибнарья на явэ́на тэ гаравэнпэ и якха́ тырэ́ явэ́на лэн тэ дыкхэ́н.

Народо явэ́ла тэ дживэ́л пэ Сио́но кэ Ерусалимо, ту бут на явэ́са тэ ровэс, – Ёв потангинэла (пожалинэла) тут, ко́ли ту загодлэса, Ёв шунэ́ла тыри́ зан и отпхэнэ́ла ту́кэ.

“Бида чхавэ́нгэ, савэ́ на кандэ́на,” – ракирэ́ла Рай Дэвэ́л, – “савэ́ обракирэна рэ́нды (де́лы) би Миро, доракирэнпэ на пир Миро ду́хо (фа́но), а соб (кай) тэ причхувэ́н грэ́хо кэ грэ́хо.