Popular Bible Verses from Исаёс 1

Share

“Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

Ко́ли тумэ́ закамэна и явэ́на тэ кандэ́н, то тумэ́ явэ́на тэ хан лачхипэ́н пхувья́киро.

Высыклён тэ кэрэ́н лачхипэ́н, родэ́н чачипэ́н, зракхэн чорорэс, уштэ́н (затэрдён) пал бидадэскирэстэ / пиротостэ (сиротастэ), подрикирэн пивля (удова).

Нэ ко́ли тумэ́ отпхэнэнапэ, и явэ́на нарта (упорна), то курта́ла похала тумэн,” пал-дова́ со ушта́ Ра́скирэ-Дэвлэ́скирэ пхэнэ́на адя́кэ.

Выморэнпэ, явэ́н жужэ́; залэн тумарэ́ налачхэ́ рэ́нды Мирэ́ якхэ́ндыр; пириячэн тэ кэрэ́н чорипэ́н.

И ко́ли тумэ́ протырдэна тумарэ́ васта́ тэ мангэ́нпэ, Мэ закэрава тумэ́ндыр Мирэ́ якха́; ко́ли тумэ́ мангэ́напэ, Мэ на шунава: тумарэ́ васта́ исын пхэрдэ́ дро рат.

На янэ́н буты́р да́ры, – дава́ исын ивья́ (напра́снэс), – тумарэ́ кадилакирэ тхува исын джунгалэ́ (брыдка) Ма́нгэ; нэвэ чхона́ и са́ваты (суботы), свэнкитко скэдыибэ́н Мэ нашты́ (на могина́ва) тэ вырикирав: чорипэ́н и свэ́нко!

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

На прилэ́ла Миро ди тумарэ́ нэвэ чхона́ и упхэндлэ свэ́нки; дава́ исын пхарипэ́н ваш Ма́нгэ, пхарэ́с тэ лыджав лэн.