Popular Bible Verses from Юдэ́нгэ 11

Share

Патяибэ́н – дава́ исын зорало́ (твардо) джиныбэ́н дро дова́, пэ со амэ́ндэ исын наде́я, со одова́ кэрэ́лапэ пхэрдэ́с, и зорало́ патяибэ́н дро дова́, со исын вари-савэ́ чачипэна́ пэ свэ́то, мэк амэ на дыкхаса лэн, пир дава́ патяибэ́н Дэвэ́л приджиндя допхэныбэ́н амарэ́ годэ́-пхурэ́нгиро.

Нэ нашты́ тэ кэрэ́с кучэс Дэвлэ́скэ би патяибнаскиро, пал-дова́ со трэй, соб (кай) ману́ш, саво́ явдя́ кэ Дэвэ́л тэ патял, со Ёв и ваш одолэ́нгэ, кон родэ́ла Лэс, Дэвэ́л отдэ́ла лачхипна́са.

Екхэ́ патяибна́са амэ ґалёваса, со саро́ свэ́то исын создыно́ Дэвлэ́скирэ лавэ́са, и со саро́, со амэ дыкхаса, сыс кэрдо́ долэ́стыр, со нанэ бицяло́.

Патяибна́са Авраа́мо, саво́ сыс кхардо тэ кандэл и сыс бичхадо́ тэ джал пэ дова́ штэ́то, пал саво́ сыс лэ́скэ дыно́ лав тэ дорэсэл паш; ёв гия́ и на джиндя́, карик ёв джа́лас. Патяибна́са ёв лыя́ тэ лодэл сыр явирэ – ригакиро ману́ш пир пхув, пал сави́ Дэвэ́л дыя́ лав лэ́скэ; и ёв дживдя́ шатрэ́нца Исаакоса и Яковоса, савэ́нгэ адя́кэ-паць сыс дыно́ лав тэ дорэсэн паш кхэтанэ́

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Патяибна́са Енохо сыс лыно́ пэ болыбэ́н, и ёв на дыкхця́ мэрибэ́н, и лэс нико́н на могиндя́ тэ латхэл, пал-дова́ со Дэвэ́л лыя́ лэс. Нэ анги́л, сыр Дэвэ́л лыя́ лэс, ёв дорэсця́ допхэныбэ́н, со ёв кэрдя́ кучэс Дэвлэ́скэ.

Патяибна́са Авелё яндя́ Дэвлэ́скэ фэдэды́р свэ́нто дыибэ́н, сыр Каино; пир патяибэ́н ёв дорэсця́ допхэныбэ́н Дэвлэ́стыр, со ёв исын чачуно́ ману́ш, ке́ли Дэвэ́л ракирдя́ пал лэ́скиро свэ́нто дыибэ́н и пир Пэ́скиро патяибэ́н, сыр и англэды́р, Авелё ракирэ́ла амэ́нгэ, мэк ёв ужэ мыя́.

Патяибна́са Саара, савьятэ на сыс чхаворэ́, сави́ адя́кэ-паць дорэсця́ састыпэн, соб (кай) тэ явэ́н чхаворэ́ ла́тэ, бияндя́ тэл пхурипэн, пал дова́ со ёй допатяндыя Одолэ́скэ, Кон дыя́ лав.

ёв ужакирдя фо́ро, саво́ сыс банго́ (мусиндя) тэ явэ́л пэ зорало́ фунда́менто, савэскиро Дэвэ́л Кокоро́ явэ́ла архитекторо и явэ́ла тэ кэрэ́л лэс.

Патяибна́са Мо́йза, ке́ли яця́ баро́, отпхэндяпэ тэ кхарэлпэ Фараоно́скирэ-чхакирэ чхавэ́са; и выкэдыя́ фэдэды́р тэ пирилыджал мэ́ньки (муки) Дэвлэ́скирэ манушэ́нца, сыр лэ́стэ тэ явэ́л бахт пэ набаро́ часо грэхоса, и холямо́ сабэн пал/пэ Месия́стэ (Христосо́стэ), саво пыя пэ Лэстэ коригэды́р (позжэды́р), ёв гиндя ваш пэ́скэ дрогэдыр сарэ́ Египто́скирэ кучипна́стыр, пал-дова́ со ёв дыкхця́ надея́са, со лэс ужакирэ́ла отдыибэ́н Дэвлэ́стыр. Патяибна́са ёв гия́ Египто́стыр и на дарандыя крали́скирэ холя́тыр; ёв вырикирэлас дурэды́р саро́, пал-дова́ со ёв дыкхця́ анги́л пэ́стэ Одолэ́с, Кон на сыс бицяло́.

Патяибна́са Авраа́мо яндя́ Исаакос дро свэ́нто дыибэ́н, ке́ли Дэвэ́л пропатякирэлас лэс; Дэвэ́л дыя́ лав и ёв скэдыяпэ тэ янэл дро свэ́нто дыибэ́н пэ́скирэ екхорэ чхавэ́с

Патяибна́са Раав (Рахаб), биладжакуны джувлы́, на мыя́ кхэтанэ́ одолэ́ манушэ́нца, савэ́ на кандынэ́ Дэвлэ́с, пал-дова́ со ёй прилыя́ Израилёскирэ поддыкхибнаскирэн (чораханэн), сыр пэ́скирэ малэн.

Патяибна́са ёнэ пиригинэ́ Лоло́ мо́рё (дэрья́в), сыр пир шуки́ пхув; и ке́ли Египто́скирэ мануша́ спробиндлэ адя́кэ-паць тэ пириджан мо́рё (дэрья́в), ёнэ тасадынэ.

Патяибна́са пынэ́ Ерихоноскирэ ва́нты пало́ (после) дова́, сыр мануша́ обджанас трусця́л фо́ро пал эфта́ дывэса́.

Патяибна́са ёв свэнкиндя Патради́ и обмакхця ратэ́са вударэнгирэ касяки, соб (кай) Мэрибнытко янго́ло, саво́ мулякирэлас пэрвонэ́ биятэ́н, тэ на чилавэл лэн.

Патяибна́са, со явэ́ла анги́л, Ёза анги́л пэ́скиро мэрибэ́н пририпирэлас Израилёскирэ чхавэ́нгэ пал выгиибэн Египто́стыр и припхэндя́, со тэ кэрэ́н лэ́скирэ кокалэнца.

Патяибна́са Яково анги́л, сыр тэ мэрэ́л, бахтякирдя́ Ёза́скирэ (Иосифо́скирэ) чхавэ́н, тэрдия́ пэ чанга́ и помангдяпэ Дэвлэ́скэ, ке́ли рикирдяпэ пал пэ́скиро дэсто́.

Патяибна́са Исаа́ко бахтякирдя́ Яково́с и Исавос.