Popular Bible Verses from Езэкилё 2

Share

А ко́ли Ёв ракирэ́лас, то загия́ дрэ ма́ндэ Ду́хо (Фа́но) и чхудя́ ман пэ мирэ́ ґэра́, и мэ шундём Одолэ́с, Саво́ ракирэ́лас ма́нца. Ёв пхэндя́ ма́нгэ: “Манушэ́скиро чхава! Мэ бичхава́ва тут кэ Израилёскирэ чхавэ́, кэ мануша́, савэ́ никонэ́с на кандэ́на, савэ́ ґаздынэ́пэ пэ Ма́ндэ. Ёнэ и лэ́нгирэ дада́ отгинэ́ Ма́ндыр кэ/ жы́ко ададывэ́с.

Ра́кир лэ́нгэ Мирэ́ лава́, явэ́на ёнэ тэ шунэ́н, ци на явэ́на, пал-дова́, со ёнэ исын кхэр, кай никонэ́с на кандэ́на. А ту, Манушэ́скиро чхаво́, шун, со Мэ ява́ва тэ ракира́в ту́кэ: на яв дасаво нарто (упрямо), сыр дава́ Кхэр, кай никонэ́с на кандэ́на, откэр пэ́скрэ ушта́, и ха, со Мэ да́ва ту́кэ.”

Явэ́на ёнэ тэ шунэ́н ци на явэ́на, пал-дова́ со ёнэ исын бунтуи́тка мануша́, – нэ, соб (кай) ёнэ тэ джинэ́н, со машки́р лэ́ндэ сыс проро́ко.