Popular Bible Verses from Эклес 9

Share

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Мэ рисиём и дыкхцём, со кэрэ́лапэ тэл кхам: со призо выкхэлэла на одова́, кон исын най сыгэды́р, ци марибэ́н на одова́, кон исын най зоралэды́р, ци маро́ на одова́, кон исын най годэдыр, ци барвалыпэ́н на одова́, кон исын най годьварэдыр, ци ла́ска, на одова́, кон исын най фэдэды́р; нэ исын часо и ваканцыя (случаё) ваш кажнонэ́ манушэ́скэ.

Джив и ра́дынпэ ромня́са, савья́ ту камэ́са сарэ́ дывэса́ дро тыро́ харныпнытко джиибэ́н, со Дэвэ́л дыя́ ту́кэ тэл кхам пэ сарэ́ дывэса́ дро тыро́ харныпнытко джиибэ́н; пал-дова́ со дасави́ исын тыри́ бажын дро джиибэ́н и дрэ буты́, со ту кэрэ́са тэл кхам.

Джа́ и ха пэ́скиро маро́ радаса, и пи мол радымакирэ илэ́са; пал-дова́ со Дэвлэ́скэ ґара́ ячнэ́ лачхэ́ тырэ́ бутя́.

Годыпэ́н исын фэды́р марибнытконэ́ састырэндыр; нэ екх грэхи́тко ману́ш хасякирэ́ла бут лачхипэ́н.

Годэ́-манушэ́нгирэ лава́ шунэ́на буты́р, со штылэ́с пхэнэнапэ сыр одолэскири го́дла, кон хулаинэла пэ дылыниньконэндэ.

Джидэ́ мануша́ джинэ́на, со ёнэ мэрэ́на, нэ мулэ́ на джинэ́на нисо́, и адя́кэ-паць нанэ лэ́нгэ буты́р мазу́ри (награда), и мануша́ бистырдэ сарэ́са пал лэ́ндэ.