И згия Дэвлэ́скиро Ду́хо пэ Саулостэ, ке́ли ёв шундя́ далэ́ лава́, и зоралэ́с захачи́я лэ́скири холы́; и лыя́ ёв дуе́н гурувэ́н, и росчхингирдя лэн пэ паша́, и бичхадя́ дро сарэ́ Израилёскирэ рига́ пир долэ́ манушэ́ндэ, пирипхэны, со адя́кэ явэ́ла кэрдо́ долэскирэ гурувэнца, кон на джа́ла пала́л Саулостэ и Самуилостэ. И пыя́ дар Ра́скирэ-Дэвлэ́скири пэ манушэ́ндэ, и выгинэ́ сарэ́, сыр екх ману́ш.