Popular Bible Verses from 1 Паралипоменоно 16

Share

родэ́н Рас-Дэвлэ́с и Лэ́скири зор, родэ́н саро́ часо Лэ́скиро муй

Славинэ́н Рас-Дэвлэ́с, пал-дова́ со дрэ ве́ко тангипэ́н Лэ́скиро

“Парикирэ́н Ра́скэ-Дэвлэ́скэ, кхарэ́н зоралэ́с Лэ́скиро лав; роспхэнэ́н манушэ́нгэ пал Лэ́скирэ рэ́нды

шарэнпэ Лэ́скирэ свэнтонэ́ лавэ́са; мэк тэ радынэ́лпэ ило́ манушэ́нгиро, савэ́ндэ исын Рай-Дэвэ́л

пририпирэн ди́вы, савэ́ Ёв кэрдя́, Лэ́скирэ знаме́нии (ґертыка́) и сэнды Лэ́скирэ уштэндыр

бага́н Лэ́скэ, башавэн псалмы Лэ́скэ; ракирэ́н пал сарэ́ Лэ́скирэ ди́вы

Пал-дова́ со баро́ исын Рай Дэвэ́л и исын мол, соб (кай) тэ шарэ́н Лэс, Ёв исын даранэдыр сарэ́ явирэ дэвлорэндыр.

Отдэ́н Ра́скэ-Дэвлэ́скэ сла́ва лавэ́скэ Лэскирэскэ. Лэн да́ро, джа́н анги́л муй Лэ́скиро, клонинэнпэ Ра́скэ-Дэвлэ́скэ дро шукарипэ́н Лэ́скирэ свэнтымакири.

Паты́в и райканыпэн анги́л муй Лэ́скиро, зоралыпэ́н и ра́дыма пэ штэ́то Лэ́скиро.

Бага́н Ра́скэ-Дэвлэ́скэ, сари́ пхув роспхэн зоралэ́с дывэ́с дро дывэ́с пал Лэ́скиро зракхибэ́н.

Роспхэнэ́н Наюдэ́нгэ пал Лэ́скири сла́ва, сарэ́ манушэ́нгэ пал Лэ́скирэ ди́вы.

“На чилавэн касынэнпэ кэ помакхнэ Мирэ́, и на кэрэ́н фуипэ́н Мирэ́ пророкэнгэ.”

Пал-дова́ со сарэ́ манушэ́нгирэ дэвлорэ́ исын нисо́; а Рай Дэвэ́л создыя́ болыбэ́н.

Рипирэн усады (сак) Завето Лэ́скиро, лав, саво́ Ёв ракирдя́ дрэ тысёнцы родэ́нгэ

Мэк тэ радынэ́нпэ болыбэна, мэк тэ веселинэлпэ (тэ лошалёл) пхув, и мэк тэ пхэнэ́н дрэ манушэ́ндэ: ‘Тэ дживэ́л Рай Дэвэ́л пэ ве́ки!’

Тэ явэ́л бахтякирдо́ Рай Дэвэ́л, Дэвэ́л Израилёскиро, векостыр и кэ ве́ко!” И пхэндлэ́ сарэ́ мануша́: “Ами́нь! Аллилуя!”

Отдэ́н Ра́скэ-Дэвлэ́скэ, ро́дыцы манушэ́нгирэ, отдэ́н Дэвлэ́скэ барипэ́н и паты́в.