Popular Bible Verses from Sykadyipén 20

Share

I kóli vari-kon na sys lathno dre džiibnaskri lylvarí, jov sys čhurdynó dro ziero (oziero) jagása.

I me dykhcjom mulen, baren i ternen, savé sys terdé angíl trono i lylvaria svitkostyr sys otphandle. Javír lylvarí sys otphandly, saví sys džiibnáskiri lylvarí, i mulé sys sendindle pir dová, so jone kerdé pal péskiro džiibén, i so sys začhindló dre lylvaria.

I mórjo (derjáv) otdyjá péskire mulen, so sys dre léste. Meribnaskiro štéto i liúno (ado), so isyn tel phuv, dyné pale péskre mulen, savé sys dre lénde. Len sendindle so jekhés pir dová, so jone kerdé. Meribnaskiro štéto i liúno (ado) sys čhurdyné dro ziero jagása. Davá isyn javír meribén-ziero jagása.

I me dykhcjom baró parnó trono i Jekhés, Kon sys beštó pe léste. Phuv i bolybén našenas krig Léskire móstyr i štéto na sys lathno lénge.

I kiéli bar (tysjonco) berš končynelape, tedy satanas (nalačhés) otphandena léskire štaribnastyr, i jov džála angíl te xohavél manušýtka nácyi (narody), savé isyn pe štar phuvjákire véngly, Goga i Magoga. Nálačho javéla te kedel khetané len pe maribén, léngiro kicypen (količestvo) javéla baró-syr morjoskiro (derjavéskiro) práho.