Popular Bible Verses from Sykadyipén 16

Share

“Ake, me džáva syr čor. Bahtaló isyn odová, kon isyn nasuto i rakhéla péskiro uribén, sob (kaj) te na psirél nango i, sob (kaj) te na dykhél léskiri ladž!”

I šóvto Jangólo vyčhudiá péskiro tahtáj dre bari reka (len') Jevfrato: reka (len') vyšutija, sob (kaj) te javél skedynó drom kral'jenge dolé rigátyr, kaj kham uštéla.

I dalé benglane dúhi, so keréna ĥiertyká (znamiénii), džána angle ke králja pe davá saró svéto, kaj isyn manušá, sob (kaj) te kedenpe khetané maribnása pe Devléste Sarezorjakireste pe baró Dyvés.

I me dykhcjom trin beda dúhi, savé sys syr capnia (žamby). Jone džánas javrí móstyr drakonostyr, riskiribnáskire murdalestyr i xohané prorokostyr.

I manušá sys xačkirdé baré xačkiribnasa i jone kaliakirenas Devléskiro lav, Savó rikirdia zor pe dalé fránsy. Ne jone na riskirdé péskiro džiibén grehéndyr ke Devél i na vyphendle sláva Léske.

I pérvo Jangólo vygijá i vyčhudiá péskiro tahtáj pe phuv: čoré i fuj fránsy (rány) jačné pe manušénde, pe savénde sys riskiribnáskire-murdaleskire (zvierjoskire) špery, i, savé poklonindlepe patyvása angíl léskiri patrín (óbrazo).

I kadalé benglane dúhi kedyne khetané kral'jén pe štéto, so kharélape Judytkes “Armagiedono.”