Popular Bible Verses from Sykadyipén 11

Share

I eftáto (bitrinentiro déšto) Jangólo phurdyja dre péskiro rógo (truba): i sys zoralé zaniá pe bolybén, so rakirdé: “Svetytko Kralipén amaré Ráskire-Devléskiro i Léskire Xristosóskiro javdiá i Jov javéla te kralinen pe saré viéki.”

Náiudy xoliasyne doléske, so javdiá Tyrí xolý dro časo te sendiakires mulen, i te otdes pale Péskire pishar'jénge, prorokenge, i sventonenge i odolénge, savé daréna Tyré lavéstyr, barenge i tyknenge. Te muliakires odolén, savé xasiakirena phuv.”

I me dáva zor miré duje Jakhitkonenge i jone javéna te angilphenen tysjonco duj šelá šovdešá dyvesá, savé javéna uridé dre goné balendyr.”

I paló trin pašésa dyvesá džiibnáskiro dúho (fáno) Devléstyr zagijá dre lénde. Jone terdiné pe péskire ĥerá i bari dar pyjá pe odolénde, savé dykhné pe lénde.

Adalé Jakhitkonende isyn zor te phanden bolybén, sob (kaj) te na džal bryšýnd, kiéli jone javéna te angilphenen (te proročynen). I jone rikiréna zor, sob (kaj) paniá te pirikerenpe dro rat i te muliakirén len fransenca adákicy but móly, kicý jone vykedena.

Dalé duj Jakhítka isyn olivitka kaštá i duj momolytka (svietil'niki), savé isyn terdé angíl Devléste pir phuv. I kóli vari-kon vykedéla te kerél čoripén lénge, tedy jag vydžála léngire móstyr i xasiakiréla léngire vergén. I kóli vari-kon zakaméla te kerél čoripén lénge, tedy adiáke-pac' odoléske trej te merél.