Popular Bible Verses from Pritčy 20

Share

Na rákir: “Me adiáke-pac' keráva bibáht pale léske.” Užakir Ras-Devlés i jov déla zor túke.

Raj Devél déla zor manušéngire ĥerenge, karik te džán, syr tén'či manušéske saštý te ĥaljol péskiro drom?

Manušéskiro dúho (fáno) isyn Devléskiro momolýtko, so piridykhela saró, so isyn andrál manušéste.

Manušéskire godiakire dúmy isyn sýrby xor paní, ne god'varó manúš pharela (vylela) len javrí.

Kon phukavela (piridela), kodová otčhakirela garadé dúmy, paldavá na jav khetané adasavesa, kon otkerela buĥles péskire uštá.

Manúš keréla patýv péske, kóli jov terdiakirela košybén, ne kažno dylynin'ko manúš délape te čingardelpe.

Čačunó manúš dživéla bi došengiro: léskire čhavé isyn bahtalé paló (poslie) léste.