Popular Bible Verses from Pritčy 14

Share

Isyn drom, savó zdelape manušéske, so jov isyn mamúj (priámo), ne pe kónco (pe jagóro) jov lydžála ke meribén.

Lačhó iló déla džiibén masenge, ne zevlynypén kirniakirela kokalý.

Manúš, savó liéntes (na sýges) xoliasóla, isyn baró godiari, ne kodová, savéste isyn xačkirdo dúho (fáno), sykavéla pe jakhá péskiro dylnypén.

Godý džuvlý rikiréla kher, ne nabaré-godiakiri džuvlý phagiréla les péskire dylnypnasa.

Kon daréla Rástyr-Devléstyr, kodová manúš isyn zoralés terdó, i léskire čhavénge javéla štéto te garadjon.

Kon daréla Rástyr-Devléstyr, kodová p'jela džiibnáskire ĥanyngatyr, sob (kaj) te riskires krig meribnaskire feliatyr.

Godó manúš daréla i durjola čoripnástyr, ne dylynó sýges xoliasóla i zoralés patiála dre péste.