Popular Bible Verses from Lievito 19

Share

Na otdé pale čoripnasa (na otha pale), i na rikir xolý pe tyré-manušéngire čhavénde, a sykáv patýv ke tyró pašatuno, syr péske. Me som Raj Devél.

Vaš ripiribén pal muleste na kerén čhinybén pe tumaré masá, i na vyphusaven pe tumaré masá vari-savó začhinyben. Me som Raj Devél.

“Rákir saré skedyibnaske Izrailjoskire čhavéngire i phen lénge: ‘Javén svénta, pal-dová so Me som svénto Raj Devél, Devél tumaró.

Na rikir xolý dre tyró iló pe tyré pšaléste; sykáv bang tyré pašatuneske, i na javéla pal léste grého.

Na riskirén godý ke manušá, savé vykharena mulen, i na psirén ke čovahane, i na dolydžan pes ke magiripén léndyr. Me som Raj Devél, tumaró Devél.

Na psir piridyibnarisa maškír tyré manušénde, i na ĥazdepe pe tyré-pašatuneskiro džiibén. Me som Raj Devél.