Popular Bible Verses from Jeriemiéjo 50

Share

Léngiro Vyrakhibnaskiro isyn zoraló; bolybnáskire-jangoléngiro Raj Devél isyn Léskiro lav: Jov dobusoves (staratiel'nes) obsendiakirela (roskedela) léngiro réndo, sob (kaj) jov saštý (moginel) te del otkhinyben phuvjake, so isyn tel Xaldiejénde, i napokojo (dar) manušénge, kon dživéla ke Vavilóno.

Miré manušá našadyne syr bakré: léngire čhupnárja (pastyri) lydžiné len krig droméstyr, jone riskirdé len droméstyr pe bérgi. Jone giné te psirén bergátyr pe bérgica i jone bistyrde péskiro štéto te otkhinjon.

Dro dolé dyvesá i dro dová časo’, – rakiréla Raj Devél, – ‘iavéna te rodén čoripén dro Izrailjo, ne nisó na lathéna, i javéna te rodén gréhi Judaste, ne jone ničý na lathéna, ne Me otmekáva bang kodolénge, savén Me jačkirava džidenca (rakhava te dživén).’