Popular Bible Verses from Jeriemiéjo 17

Share

Te javél bahtaló manúš, savó dopatiala zoralés dre Raste-Devléste i konéskiro patiaibén isyn dre Raste-Devléste. Pal-dová so jov javéla syr drévo, so isyn počhudo pašýl paniá, i savó rozdzindz'kirdia péskire kórni (rukhá) pašé rékica (lenorí). I jov na javéla te darel, kiéli javéla xačkiribén, ne léskiri patrín (listo) javéla zeleno, i léske na javéla trej te darel dro šuko berš, adiáke-pac' jov na pirijačéla te del phabá.

Iló isyn xohanedyr saréstyr i drieván bibahtaló, kon saštý te džinél les?

Me, Raj Devél, rozĥaljovava kažno iló, Me propatiakirava andrál manušés, sob (kaj) te dav kažnonéske (svakoneske) pir léskire dromá, pir dová, so jov kerdiá.

I davá Me, Raj Devél, rakiráva: “Te javél prokošybén (arman)” pe manušéste, savó dopatiala zoralés dre manušéste, i savó keréla péskire ločiatyr (plotiatyr) čačó vast, i saveskiro iló durjola Rástyr-Devléstyr. Jov javéla sýrby jaloŭco (vieriesko) pe čhučé prahi, i jov na udykhéla, kiéli javéla lačhipén. Ne jov javéla te dživél pe šuko štéto pe xačkirdy mal (stiep), londy phuv, kaj nane manušá.

Sastiakir man, Rajo Dévla, i me javáva sastiakirdo; zrákh man, i me javáva zrakhno, pal-dová so pal Túte isyn miro šaribén.