Popular Bible Verses from Jakov 2

Share

Adiáke-pac' isyn i patiaibén, kóli nane nisavó réndo léstyr, tedy dasavo patiaibén isyn muló kokoró pir péste.

Pal-dová so, syr džidé masá bi duhoskiro isyn mulé, adiáke-pac' i patiaibén isyn muló bi rendoskiro.

Pšalále miré, savó isyn proko (l'góta) adalestyr, kóli manúš rakiréla, so jov patiála, ne ni savé lačhé réndy jov na keréla? Ci moginéla dasavo patiaibén te zrakhél les?

Tu patiása, so Devél isyn jekh. Tu kerésa mištés. I až nalačhé dúhi patiána i izdrana.

Ne vari-kon phenéla tuméndyr: “Túte isyn patiaibén, a mánde isyn réndy (diély).” Sykáv mánge tyró patiaibén bi rendengiro, a me sykaváva miro patiaibén miré rendéndyr.

pal-dová so vaš odolé manušénge, kon na sykadiá tangipén (žalima) ke javír manušá, séndo javéla bi tangipnaskiro adiáke-pac' ke jov, ne tangipén isyn vučedýr sendostyr.

Ci dykhésa tu, so Devél pridžinela čačunesa manušés pir réndy, ne na pir jekh patiaibén?

Ci dykhésa tu, so patiaibén isyn khetané léskire rendénca i pir réndy léskiro patiaibén jaciá bidošakiro.