Popular Bible Verses from Isajos 30

Share

I kaná tyré šunéna lav, savó rakiréla palál túte: “Ake, isyn drom, džán pir léste”; kóli tu zdžasa droméstyr pe čačí (pravo) rig ci pe zérvo (liévo) rig.

Paldavá Raj Devél iščo (inké) ničí na keréla (užakiréla), sob (kaj) Jov te potanginel tumen, užakiréla, sob (kaj) te tanginél tumen; Raj Devél isyn Devél čačipnáskiro; bahtalé saré, konéste isyn nadiéia pe Léste!

Adiáke rakiréla Raj Devél, Devél Svénto Izrailjoskiro: “Kóli b tumé jačnépe pe jekh štéto, tén'či by tumé zrakhnepe; štylypen i nadiéia isyn zor tumarí, ne tumé na zakamle.

I déla tuménge Raj Devél maró dre bibáht i paní dre bída; tyré sykliaibnarja na javéna te garavenpe i jakhá tyré javéna len te dykhén.

Narodo javéla te dživél pe Sióno ke Jerusalimo, tu but na javésa te roves, – Jov potanginela (požalinela) tut, kóli tu zagodlesa, Jov šunéla tyrí zan i otphenéla túke.

“Bida čhavénge, savé na kandéna,” – rakiréla Raj Devél, – “savé obrakirena réndy (diély) bi Miro, dorakirenpe na pir Miro dúho (fáno), a sob (kaj) te pričhuvén grého ke grého.