Popular Bible Verses from Isajos 26

Share

Manušés, zoralé duhósa Tu rakhesa dre pherdó ramánjo (miro), pal-dová so pe Túte isyn léskiri nadiéia

Na jačkiren (na jačaven) Ras-Devlés nikoli, pal-dová so Raj Devél isyn zoralypén viéčno.

Miré diesa tyrdavas me ke Tu te javav ratý, miré duhósa lavá me te rodav Tut dre péste tasiárles (ránes) pe zlóko (rankosa); pal-dová so, kóli séndo Tyró kerélape pe phuv, tén'či odolé, kon dživéla dro svéto, sykljona čačipnaske.

Rajo Dévla! Tu podesa aménge ramánjo (miro), i saré amaré réndy Tu kerésa vaš aménge.

I pe drom, kaj isyn Tyró séndo, Rajo Dévla, sys aménde lačhó užakiribén pe Túte; ke Tyró lav, ke ripiribén pal Túte tyrdela amen amaró di.

Drom Devlytkoné-manušéskiro isyn čačunó; Tu kerésa vaš léske čačunó drom.

Jov čhudiá telé odolén, kon pe vučó štéto dživéla, čhurdyjá telé fóro, savó vučés terdjolas, čhurdyjá telé pe phuv, čhurdyjá dro práho.

Odkeren (psiraven) pórta (vráty), mek te zadžál narodo patyvalo, narodo, savó rakhéla čačipén.