Popular Bible Verses from Isajos 1

Share

“Tén'ci javén, javása te sendiakiras (te roskedaspe),” – rakiréla Raj Devél. “Kóli javéna tumaré gréhi lolé, syr rat, jačéna parné, syr iv, kóli javéna lolé, syr jag jačéna parné, syr výlna (šers') Me parniakirava.

Kóli tumé zakamena i javéna te kandén, to tumé javéna te xan lačhipén phuvjákiro.

Vysykljon te kerén lačhipén, rodén čačipén, zrakhen čorores, uštén (zaterdjon) pal bidadeskireste / pirotoste (sirotaste), podrikiren pivlia (udova).

Ne kóli tumé otphenenape, i javéna narta (uporna), to kurtála pohala tumen,” pal-dová so uštá Ráskire-Devléskire phenéna adiáke.

Vymorenpe, javén žužé; zalen tumaré nalačhé réndy Miré jakhéndyr; pirijačen te kerén čoripén.

I kóli tumé protyrdena tumaré vastá te mangénpe, Me zakerava tuméndyr Miré jakhá; kóli tumé mangénape, Me na šunava: tumaré vastá isyn pherdé dro rat.

Na janén butýr dáry, – davá isyn ivjá (naprásnes), – tumaré kadilakire thuva isyn džungalé (brydka) Mánge; neve čhoná i sávaty (suboty), svenkitko skedyibén Me naštý (na mogináva) te vyrikirav: čoripén i svénko!

Gurúv džinéla péskire xulás, a óslo (miegári) – péskire-ráskiri štála, ne Izrailjo na džinéla Man, na ĥaljola Miro narodo.”

Na priléla Miro di tumaré neve čhoná i uphendle svénki; davá isyn pharipén vaš Mánge, pharés te lydžav len.