Popular Bible Verses from Ekliesiastos 7

Share

Na xoliasov sýges dro tyró iló, pal-dová so dylynin'ko manúš rikiréla xolý dro kolýn.

Kiéli tyré dyvesá isyn mište, rádynpe zoralés, ne kiéli dyvesá isyn fuj, tedy obdumin jekh: Devél čhudiá jekh pal javiréste, sob (kaj) dro kónco (jagóro) manúš te na džinél, so javéla pal léste.

Kónco (jagóro) isyn fedýr anglypnástyr dro kažno réndo, a manúš, savó zrikirela péskiro dúho (fáno) isyn fedýr kodolestyr, kon isyn phut'kirdo dro dúho (fáno).

Adiáke-pac' i na prilé ilésa saré lavá, so manušá phenéna, sob (kaj) tu te na šunés tyré dynarís te košel tut.

I godypén, adiáke-pac' i lové zaterdjona pal manušéste, ne džinybén isyn fedýr dro dová, so godypén déla džiibén odoléske, konéste jov isyn.

Lačhó lav isyn fedýr kučoné drabestyr te khosen, i meribnaskiro dyvés isyn fedýr dyveséstyr, kiéli vari-kon bijandjola.

Davá isyn fedýr vaš manušéske te šunén, kóli godé manušá sykavéna bang túke, syr te šunés dylynin'konengiri gilý.

Davá isyn fedýr te džas dro kher, kaj rovena pal muleste, syr te džas dro kher, kaj svenkinena, pal-dová so davá isyn kónco (jagóro), so užakiréla saré manušén, i džidé manušéske trej davá te prilel ke iló.

Godé-manušéskiro iló isyn dro kher, kaj rovena pal muleste, ne dylynin'konengiro iló isyn dro kher, kaj radynénape sabnasa.