Popular Bible Verses from Javír Zakóno 6

Share

i sykáv patýv tyré Ráske-Devléske, saré tyré ilésa, i saré tyresa diesa, i saré zor'jenca tyrenca.

i piriphen len tyré čhavénge i rákir pal lénde, bešyndoj dre tyró kher i gii dromésa, i pasii, i uštyi

I mek te javén dalé lavá, savé Me phenáva túke adadyvés, dro tyró iló

Šun, Izrailjo: Raj Devél, tumaró Raj Devél isyn Jekh

i priphande len syr špéra (znako) pe tyró vast, i mek te javén jone syr phandluny (poviazka) pe tyré jakhá

i čhin len pe tyré-kheréskire kasiaki i pe tyré vudará (pórty).

Dar Rástyr-Devléstyr, tyré Devléstyr, i Léske Jekhéske dynarin, i Léskire lavésa sovlahá.

Kiéli zalydžala tut Raj Devél, tyró Devél, pe doiá phuv, saví Jov sovlahadiá te del tyré dadénge, Avraamóske, Isaakóske i Jakovóske, te del túke baré i lačhé for'jenca, savé tu na kerdián, i kherenca, so sys čhudé pherdés kažnoné mištypnasa, savé tu na čhudián, i ĥanyngenca, vyčhingirde barestyr, savé tu na vyčingirdian, vinagradnikenca i maslinenca, savé tu na čhudián dre phuv, i, savé tu javésa te xas i te čaljos; tedy rakhpe, sob (kaj) tu te na bistres Ras-Devlés, Savó vylydžijá tut Jegiptóskire phuvjátyr, pisharibnaskire kheréstyr.

Akaná isyn priphenybená, uphenybená i zakóny, savé rakirdiá Raj Devél, Devél tumaró, te sykliakires tumen, sob (kaj) tumé te kerén adiáke pe doiá phuv, pe saví tumé džána, sob (kaj) te javén tumé xulaja pe láte; sob (kaj) tu te dares tyré Rástyr-Devléstyr, i saré Léskire uphenybnendyr i Léskire priphenybnendyr, savé rakiráva túke, sob (kaj) tu te rakhés, i tyré čhavé, i tyré čhavéngire-čhavé dre saré tyré džiibnáskire dyvesá, sob (kaj) te javén ĥaredyr (dlugedyr) tyré dyvesá.

ker čačipén i lačhipén angíl Ráskire-Devléskire jakhá, sob (kaj) šukár te javél túke, i sob (kaj) tu te zadžas i te xulaines lačhé phuvjása, saví Raj Devél sovlahadiá te del tyré dadénge

pal-dová so Raj Devél, tyró Devél, Savó isyn maškír túte, isyn Devél zevlynypnaskiro; sob (kaj) te na zahačol Ráskire-Devléskiri, tyré Devléskiri xolý pe túte, i te na tradel krig Jov tut phuvjákire móstyr.

Na mangénpe javire devlorénge, devlorénge odolé-manušéngire, savé javéna pašýl tuménde

Na propatiakiren Ras-Devlés, tumaré Devlés, syr tumé Les propatiakirde dre Masá.