Popular Bible Verses from Danijéljo 2

Share

O Danijéljo otphendiá i phendiá: “Mek te javél bahtaló Lav Ráskire-Devléskiro viekostyr pe saré viéki! Pal-dová so Léste isyn godý i zor. I jov paruvela časy i beršýtka pory, Jov teliakirela kral'jén i Jov čhuvéla kral'jén; déla godypén godypnaskirenge i džinybén godenge, Jov otkerela xoralo i garadó čačipén, Jov džinéla, so isyn dro kalypén (cjomnyma), i dud isyn Lésa.

Danijéljo otphendiá angíl kralíste i rakirdiá: “Garadó čačipén, pal savó phučela o králi, naštý te otkeren ni godypnaskire (tanuki), ni čovahane. Ne isyn pe bolybén o Devél, Savó otkerela garadé čačipená; i Jov otkerdia kralíske Navuhodonosoroske, so javéla dre palatuné (posliednia) dyvesá. Tyró sunó i dykhibena tre šereskire piró tyró čhuibén sys dasavé

I dro dyvesá kodolé kralipnaskire o Devél Bolybnáskiro čhuvéla kralipén, savó dro viéki na phadjola, i kodová kralipén na javéla piridyno javire narodoske; jov pharavela i phagiréla saré kralipená, i jov kokoró javéla te terdjol dro viéki