Popular Bible Verses from 2 Korinfianenge 9

Share

Paldová so Devél moginéla te bahtiakirél tumen adákicy dro saró, sob (kaj) tuménde te uhtylel (te javél dósi) saró, so trej tuménge, i upredyr daléstyr, sob (kaj) tumé te javén skedyné pe kažno lačhó réndo

mek kažno manúš te del adákicy, kicý isyn léske pir iló, a na pir zor; pal-dová so Devléske isyn drógo kodová manúš, kon déla radymása.

Davá isyn čačipén, so, kon čhuvéla giv nábut, odová i kedela aplodo nábut, a kon čhuvéla giv but, odová i kedela aplodo but

I Devél, Savó déla ziárki te čhuvén dre phuv i maró te xan, déla tuménge saró i barjakiréla saró i javéla barvaló aplodo tumaré čačipnastyr: Devél keréla tumen barvalé ilénca pe saré lačhé réndy, so but manušá javéna te parikirén Devléske pal tumaré dáry, savé jone doreséna (dolena) améndyr.

Parikirasa Devléske saré godiatyr i iléstyr pal Léskiro taláno, savó naštý te vyphenas.