Popular Bible Verses from 1 Ximaske 4

Share

Mek nijékh te na dykhél vučipnástyr pe túte pal tyró ternypen; ne sykáv pes devlytkonesa patiaibnaskirenge dro lav, dro džiibén, dre patýv ke javír manušá, dro dúho (fáno), dro patiaibén, dre žužyma.

Pal-dová so, kon zalelape péskire muskulenca i masenca, davá léske zorjakirela léskire masá-davá isyn nabaró lačhipén, ne kon dživéla darása angíl Devléste, odová janéla lačhipén pir saró i déla nadiéia dro davá svéto i dre dová, so javéla angíl.

Dykh ciamkes pal péskiro džiibén i sykliakiribén, ker davá saró časo, kóli tu adiáke javésa te kerés, zrakhésa pes i kodolé manušén, savé šunéna tut.

Dúho (Fáno) mamúj rakiréla, so dro palatunó (posliednjo) časo but manušá mekéna te patián, léna te kandén xohané dúhi i te šunén benglane-duhengiro sykliakiribén

Rakhpe magirdé rakiribnendyr, i phuré-džuvliengire paramysiendyr, ne sykljov te dživés darása angíl Devléste.

Gin Svénto Čhinybén, podrikir manušén, i sykliákir len ke davá časo, paka me javáva.