Popular Bible Verses from Mareko 14

Share

Me e ame ha, ka habe, Aba, Cica, e khanö u he ka ânyâ ta je ûnyi hia; hom dö gak kaia eang: ke ca ânyâ hoton wek, ke so bi wem.

Hmâkâ thʼ öbun me hic, mʼ öbun e ca dit bi ka hnyi ûcûbic: e hnathu ame weny hanu, ke sënyin bi unyin.

Ke e hnathu inya oge me ha köbun, ka habe, haba ta je hnyei hia thithö hnyi hmeledrany, adre me he ka khetâ hnyin uthumetu ae so, me adre me he minya ka haimemenâ hna ânyâ hnen momo ang, hnân he ka ûnykûme kâu.

Ke e ame ha ködrin, ka habe, Ame vec gan hmâ hanuk, helâ me mok: laba ju eang me hmâkâ.

Ke ödrin e tiga han, ke e ame hom areto, me oleâ, me thuthu me ham ködrin, me ha, ka habe, Hom dʼ öbun: walang unyik.

Ke e ame hom utköiö, me oleâ me ham ködrin: ke ödrin hia ödrin e ic. Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Ke haba Iesu ame ha ködrin, ka habe, Öbun e he bi hia ka thö thö: anyin adre bia but sihnalimen, ka habe, Oge me he ka kot at ame tuö je mamoe, me ame he ka vese but ta je mamoe.

Todrö, otin e he thö: wâ bi, wale but ang at ame he ka alecuo nya.

Ke haba Iesu ame ha kâu, ka ʼhabe, E hnathu inya oge me ha köu, a haba u, hnyi bong ang, wale eâu hnyinghet, ke tiga ca olo bi kokok khoto, me u me he ka okun ivinö nya.