Popular Bible Verses from Luka 4

Share

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö Ke he ka khetâ hunainy ae ûcû ka Than.

Haba Iesu ame thu kâu, ka habe, Adre hia but sihnalimen, ka habe, U me he ka khudrung ka Than a Khongom, me bi athnyabainy thibi.

Haba Iesu ame thu kâu, ka habe, Adre hia but sihnalimen, ka habe, Ame ca he ka möt at ge areto thibi.

KE unöngöt dö Iesu ge Hanu Kap, ke e ame hmetu ûheny hnyi Joridano, kʼ ame lelö thö e hnen Hanu ka hnyi hnyebuba

Haba Iesu ame thu kâu, ka habe, Adre hia but ha, ka habe, U me ca he ka cubec Than a Khongom.

Ke ame um dö je ûcûbic hia anyin diabolo, me e ame hna but e ke ne o but hnyi ke ûen.

Ke e ame lelö thö e, me omanenâ kâu ta je dokhu hia thithö eang hmeledrany helâ me thuthubademak. Ke haba diabolo ame ha kâu, ka habe, Oge me he ka ham köu ta je musi hia e, me ta je hmanenanginy: anyin adre hia but hna but e könya; mʼ inye he ka ham ka at oge me wek kâu. Anyin a wale u je ne he ka khudrung ju könya, me ânyâm but ta je ûnyi hia eling. Haba Iesu ame thu kâu, ka habe, Adre hia but sihnalimen, ka habe, U me he ka khudrung ka Than a Khongom, me bi athnyabainy thibi.

Ke e ame hom e Jerusalema ai, me ip e hon baitoiny uma kap, me ha kâu, ka habe, U je ne Nokon Khong, utut jime thö: anyin adre hia but sihnalimen, ka habe, E ame he ka hûna ka anyin ta je angela hobi köu, he ka tuö u: ke walang khaca, ka habe, Adre me he ka kap tilö u ge je hnyamödra, Wâ e nye thö thö cam hnyi veto. Haba Iesu ame thu kâu, ka habe, Adre hia but ha, ka habe, U me ca he ka cubec Than a Khongom.