Popular Bible Verses from Isaia 6

Share

Ke oge me long ifuci Iehova ame ha, ka habe, Oge me he ka kunö ia, ke ie at ame he ka he hobi kötin? Me oge me ha, ka habe, Inya ang; kunö nya thö.

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

HABA hnyi hunainy mok a Uzia than, me oge me wâ Than ame tabâ theron ae gorany ke beönua, ke unöngötö uma ge obiny anyin ûkhaû.

me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Kʼ ame tot ethö hon e je serafi; ke ve hu labenyidra a siks; kʼ adre me tube je hnyimakodra ge li labenyidra, kʼ adre tube li cadra ge ke lo, kʼ adre me gâ ge ke lo hmetu.

Haba ke serafi ame gâ könya, ke e bi hnyi hnyamen walep ae möt, wale e ame hom ûnyi hnyi taben hut ge akofi

Me e ame ha, ka habe, He thö, me ha ka tavat ang, ka habe, Öbun e labö long, ke ca wâhmakhmeto bi; ke öbun e labö wâ, ke ca wâ ûnykûme bi.

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.