Popular Bible Verses from Roma 6

Share

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Ma anyikku mu̱nye̱n kanyait doiz ngatinno̱ng, eci lo̱ti̱nno̱wa̱ balik reentik Musesi ke̱ iróng ngen bo̱do̱k abalung, abarik aanycik de̱ti̱ne̱t ci Ta̱mu̱ta̱dde̱no̱ kabalung.

Baling ka̱gga̱mi̱t naga ba̱ti̱ti̱mo̱, ka̱da̱i̱to̱ ki Ki̱ri̱sto̱ bu̱k iloma, kar atin naga bu̱k kabait baiz ci een jor, ki bali ming ingane baatinne nonno daiza komize cinne ke̱.

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta

Abunna zin niga ming a̱gga̱yyu̱ niko, iróng mu̱nye̱na̱ ngen abalung bo̱do̱k, urumteu niga ki Ta̱mu̱ta̱dde̱n zo̱ze̱ ci Ye̱su̱ Ki̱ri̱sto̱.

Kazi wo̱ye̱ naga ne, “Kogon wo̱ye̱ naga mu̱nye̱n odohize kar bunnati cinna kotore kize a̱ppwa̱?” Iróng een niko! Ming iróng mu̱nye̱na̱ ngen abalet ko̱, nya bo̱do̱k ming kobodonik naga mu̱nye̱n ko̱?

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k. I̱yo̱ko̱ zin, iróng niga ngen anyakku mu̱nye̱n, abarik izetu niga du̱cca̱k cik bunnat ci Ta̱mu̱ta̱dde̱no̱.