Popular Bible Verses from Roma 14

Share

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱. Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

Ming karuge, karuge naga zo̱ze̱ Manyi; ming ka̱da̱i̱ naga, ka̱da̱i̱ naga zo̱ze̱ ci Manyi. I̱yo̱ko̱ zin, ming karuge, icima ka̱da̱i̱, ke̱e̱ggi̱n naga olli Manyi.

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Orong ibilizet zoz ci apahekku ol u̱gge̱ lo̱ki̱ko̱ ko̱. Abarik, odolta zi̱nze̱tti̱nne̱ cuggo̱k, ma e̱e̱ggi̱nnu̱ ol cik adiryu gotonogget ki ngonogget cik a̱tu̱we̱ no̱ngi̱tto̱ne̱ baize cinne̱ng.

E̱he̱rye̱ Warage ci Ta̱mu̱ta̱dde̱no̱ zoz ci azi Manyi ne, “‘Ki̱tto̱ni̱k ele cinanni, akanneka atin ol do̱o̱k u̱zu̱ngti̱nne̱; innat atin ol do̱o̱k Ta̱mu̱ta̱dde̱n.’” Kabile atin naga e̱co̱de̱ e̱co̱de̱ i̱i̱te̱ne̱ neci ngu̱me̱ ci Ta̱mu̱ta̱dde̱no̱, bak koobek nonno kaal cik abunna ki kaal cik gerzek kogon ba̱li̱ye̱ naga lo̱o̱ta̱ ngatu.

Elemtta e̱e̱t ci anyak tu̱we̱ne̱t ci dici, ma adangnyu nonno eci enne i̱no̱n kaal cik aavtte do̱ ngati kaal cik i̱no̱nnu̱ niga.

E̱e̱ni̱ i̱nna̱ ngene kar pahek du̱ca̱i̱t ci e̱e̱t imma zoz ko̱? Manyi du̱cca̱k do̱ niko ci odola zoz ci du̱cca̱k ciginnek, kar atin Ta̱mu̱ta̱dde̱n keela nogo ku̱tu̱gu̱zzo̱ ju̱rru̱m.