Popular Bible Verses from Roma 12

Share

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Ma anyikku zoz ci gerze mu̱nye̱nu̱ kukuwaung, abarik ommogit zoz ci gerze zo̱ze̱ ci abunna.

Irezto niga do̱o̱k oroot, irez ol wak a̱tu̱we̱ oroot kommog ele cunne.

Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.

Itimanit ju̱rru̱m gool ci abakku ki ol do̱o̱k yahe.

Gonogga wak zinino, ma acacannu gi̱i̱ ci gerze ogoniki e̱e̱ti̱ imma, abarik tungek Ta̱mu̱ta̱dde̱n kedez e̱e̱t neci, eci e̱he̱rye̱ Warage ci Ta̱mu̱ta̱dde̱no̱, azi Manyi ne, “Kacaca atin anna kaal cik gerzek ogonekku̱ng ol i̱ge̱ta̱.”

Ma abilizzu gool ci irezzu niga Ta̱mu̱ta̱dde̱n, kar i̱li̱ngli̱nge̱t zoz ci Manyi oroot.

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

Ming ogonekku̱ng e̱e̱ti̱ imma i̱ge̱t zoz ci gerze, ma acacannu zo̱ze̱ ci gerze. Abarik u̱tu̱gu̱z kaal cik abunna cik acin ebere do̱o̱k een de̱de̱.

Abait ki ol do̱o̱k zi̱nze̱tti̱nne̱ cik voorik. Ma odongnyu e̱le̱tti̱ ki ci a̱gga̱yyu̱ niga kaal do̱o̱k, abarik izet gonen ki ol do̱o̱k.

Azi bo̱do̱k Warage ci Ta̱mu̱ta̱dde̱no̱ ne, “Ming adak mo̱dde̱ni̱t cunne magiz, anyik nonno da̱i̱ne̱t. Ming a̱ru̱k koor, anyik nonno maam. Eci ming ogonnei i̱nna̱ nonno kaal niko, adak atin nonno a̱li̱ya̱ni̱ kaale balik gerzek ogoneki enne i̱nne̱t ke̱.”

Alac Ta̱mu̱ta̱dde̱n kar ka̱ma̱yu̱k ol wak gon a̱gi̱ddu̱ng; a̱ma̱yu̱we̱t nogo, ma otoryu. Ming atalne ol, ataltto niga bu̱k ki nogo. Ming anyak e̱e̱ti̱ u̱lu̱wa̱, u̱tu̱lu̱z niga bu̱k.

Ming anyakku kaal, eelta ol cik Ta̱mu̱ta̱dde̱no̱ amati, anyik e̱re̱nno̱k ki̱vi̱ta̱ ce̱e̱zi̱ cuggo̱k.

A̱gga̱yyu̱ niga adimanai ele ci e̱e̱t ci diiri o̱de̱ ṯok niko, kar kanyak ngintik meelek giir. Iróng ngin ne̱ko̱ do̱o̱k anyak li̱ngli̱ngo̱n co̱de̱. Kogon zin bo̱do̱k naga niko, anyak ol cik meelek ngatinna, ke̱e̱ggi̱n naga ele co̱de̱ ngati Ki̱ri̱sto̱. Ka̱vvu̱to̱ naga ki i̱yo̱ko̱ ngintik ele co̱de̱ ko̱.