Popular Bible Verses from 2 Te̱se̱lo̱ni̱ka̱ 2

Share

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza, kar ki̱ti̱lo̱u̱ng ka̱a̱nyu̱ng komiz odohize kar u̱tu̱gu̱z kaal icima a̱du̱wa̱nnu̱ zoz ci abunna.

Eci zin zo̱ze̱ necu utungek Ta̱mu̱ta̱dde̱n nogo do̱ kar atin nege ku̱tu̱we̱t zoz ci volongo

A̱kku̱ atin e̱e̱ti̱ ci mu̱nye̱nu̱ ko̱ go̱o̱le̱ ci li̱ngli̱ngo̱n ci Sitano, i̱ye̱la̱i̱ kaale cik a̱vu̱la̱ iróng e̱e̱ggi̱n de̱de̱, ki baayen, ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

Eci doizi ci e̱e̱t ci mu̱nye̱nu̱ a̱lu̱gnye̱ ko̱ i̱li̱ngli̱ng la̱du̱n; ma̱i̱je̱ e̱e̱ti̱ ci alam nonno i̱yo̱ko̱ ko̱, ngen a̱gga̱me̱k vu̱rru̱t zee kaara nonno goola.