Popular Bible Verses from Mbaromanu 8

Share

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

Gadia m fa dedoo mer, ku shin uma, shin mbatyomov mba Shaav, shin tahav, shin akaa a hegen ne, shin akaa a lu van ken hemen, shin mbaageev, shin mtav, shin mze, shin ma kwagh ugen u i gbe un a gba kpaa, una fatyô u paven se a dooshima u Aôndo u a lu ken Kristu Yesu Ter wase la je ga.

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

Ishimaveren i iyolough yô, ka ku, kpa ishimaveren i jijingi ka uma man bem.

Kpa ken akaa ne cii se hemba tser tser sha ci u Un u se doo Un ishima la.

M fa, atsan a se ye shighe u ainge ne a kuma sha iengem i á va pase se la ga.

Ka an nana pav se a dooshima u Kristu? Ican shin ishima i nyian shin mtev u sha ican shin ijen shin idyelegh shin kwaghbo u cier iyol shin sankere?

Kpa Un u A tim asema la A fa er ishimaveren i Jijingi i lu yô, gadia ka sha ishima i Aôndo A lu eren msen sha ci u uicighanmbaiorov ye.

Ve mba Jijingi u Aôndo A hemen ve la cii, ka ônov mba Aôndo je la.

Gadia mba ve lu ken iyol yô, mba veren ishima sha akaa a iyolough; kpa mba ve lu ken jijingi yô, gema ka akaa a jijingi ve veren ishima sha mi ye.

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

Ka Jijingi iyol Na A lu eren shiada vea jijingi wase imôngo er, se mba ônov mba Aôndo ye. Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

Gadia se fa akaa a i gbe a sha won cii la nga kinen imôngo nga toghor zan zan hegen.