Popular Bible Verses from Mbaromanu 6

Share

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Isholibo yô, ia ya tor sha a ven ga, gadia ne mba sha ikev i atindi ga, ka sha ikev i mrumun u sha mhôôn ne lu ye.

Nahan i ii se a Na imôngo sha batisema u ken ku la sha u er i nder Kristu ken mbakpenev sha iengem i Ter yô, kape se kpaa se zenden ken uma u he je la.

shi de ne nen alegh a en sha ikev i isholibo a̱ hingir ikav mbi tomov mbi ifer ga, kpa na nen ayol a en sha ikev i Aôndo er ka mba ve dugh ken ku kera ve hingir mbaumav nahan, alegh a en a̱ lu ikav mbi tomov mbi perapera sha ci u Aôndo.

Kwagh ne se fa un, i mande tseor wase a Na imôngo sha terankon sha u i̱ kar a iyol i isholibo kera, se se̱ de kera luun ikpan sha ikev i isholibo ga.

Nahan ne kpaa, nengen nen ayol a en er ne lu kpenegh sha kwagh u isholibo kpa ne gem ne lu uma sha ci u Aôndo ken Kristu Yesu yô.

Nahan sé kaa nana? Sé gba lun ken isholibo gbem sha u mrumun u sha mhôôn a̱ hemba ngeene? Mayange ga! Á er nan man se mba se kpe sha kwagh u isholibo shi sé lu uma kimi?

Ne kera fa gaa? Aluer ne na ayol a en sha ikev i kwagh sha u lun ikpan na man shi u ungwan imo na yô, ne mba ikpan i kwagh u ne ongo imo na la, shin a lu isholibo u zan ken ku, shin a lu iko i wan, u zan ken perapera.

Kpa i̱ wuese Aôndo er ne lu ikpan i isholibo kpa ne gem ne hingir mbaungwan ityesen i i ne ken ven la sha asema a en je yô. Shi er i pase ne sha ikev i isholibo kera i toho yô, ne hingir ikpan i perapera.