Popular Bible Verses from Mbaromanu 10

Share

Aluer u pase sha zwa wou wer, Yesu ka Ter, shi u na jighjigh ken ishima you wer, Aôndo nder Un shin mbakpenev yô, ú war.

Gadia ka ken ishima ka i na jighjigh sha u zuan a ishô ye, shi ka sha zwa ka i pase sha u zuan a myom ye.

Nahan jighjigh u nan ka sha m-ongo, m-ongo di gema ka sha kwaghôron u Kristu.

Gadia icighanruamabera ngu kaan er: Hanma or u nan ne Un jighjigh yô, nana va ahenga ga. Mkposo ngu hen Oryuda a Orgrika je ga, gadia ka Ter môm je A lu u ve cii ye, shi A ngee a akaa sha ci u mba ve yer sha iti Na la cii. Gadia hanma or u nan yer sha iti i Ter yô, nana war.

Man shi á er nan man vea ôr kwaghaôndo aluer a tindi ve ga yôô? Kape i nger la er: Angahar a mbayôôn loho u akaadoon la a doo tsô!

Nahan á er nan man ior vea yila sha iti i Un u ve ne Un jighjigh ga laa? Man shi á er nan man vea na Un jighjigh, Un u ve lu a ungwa kwagh Na ga laa? Man shi á er nan man vea ungwa aluer or u ôron kwaghaôndo nana lu ga yôô?

Kristu ka mkur u tindi sha u hanma or u nan ne jighjigh la yô, á na nan ishô.