Popular Bible Verses from Mateu 13

Share

U i te ivor hen a nan hen inya i dedoo yô, ka u ka nan ungwa kwaghôron, nan kav un; ka nan je ka nan ume atam nan tser ye; ugen kwa akunduataan, ugen akunduatar, ugen yô, ikundugber.

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Hanma or u ka nana̱ ungwa kwaghôron u tartor man nana̱ kav ga yô, or u ifer a va, a va tsuwe kwagh u i lee ken ishima i nan la kera; ka u i te ivor hen a nan sha kpegbenda je la.

U i te ivor hen a nan sha ikuu yô, ka u ka nan ungwa kwaghôron, nan ngohol fese saan saan je la; kpa nan lu a mise ken iyol i nan ga, nan taver ishima ica i gba ga; kpa er mkighir u sha ican shin mtev u sha ican una moughon a nan sha ci u kwaghôron la yô, nan nôngo gbev fese je.

Tartor u Sha ngu er kwagh u injaa u i yer ken sule ugen, u or za zua a mi, maa nan gem nan yer; sha iember i nan la nan gema nan za tee akaa a nan lu a mi la cii, nan za yam sule la.

Igen haa ken inya i dedoo; via, iyiagh hemba ivor la kwa akunduataan, igen akunduatar, igen ikundugber.

Yô, de nen i cii, i̱ vese imôngo zan zan shighe u sundan; man sha shighe u sundan yô, me kaa a mbasundan mer: Vande sangen nen ivor i bo la kera man kange nen aile aile sha u za nanden; kpa gema kohol nen uwua, za ombom sha wuna.