Popular Bible Verses from 2 Mbakorinte 5

Share

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Gadia ka sha jighjigh u nan se lu zenden ye, ka sha mnenge a nenge ga.

Akaa ne cii ka hen Aôndo A dugh ye, Un u A him se a iyol Na ken Kristu, shi A ne se tom u mhim la sha ikev kpaa la. Inja na yô, Aôndo lu ken Kristu, lu himen tar a iyol Na, kera na ve ibo sha mbamper mba ve per tindi la ga, shi A na se loho u mhim la sha ikev kpaa.

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

Man A kpe ka sha ci u ior cii sha u mba ve lu uma yô, ve̱ de kera lu uma sha ci ve ayol a ve ga, kpa i̱ lu sha ci u Un u A kpe sha ci ve shi i nder Un kpaa la. Nahan se yô, hii hegen je se kera fa ma or sha inja i iyolough ga. Aluer se vande fan Kristu sha inja i iyolough kpaa, hegen yô, se kera fa Un nahan ga.

Dooshima u Kristu ngu mgbeghan se, sha mnenge wase yô or môm kpe sha ci u ior cii, nahan yô, ve cii ve kpe je ve.