Popular Bible Verses from 2 Mbakorinte 1

Share

I̱ wuese Aôndo Ter u Ter wase Yesu Kristu, ka Ter u A lu a mhôônom ma zungwen man ka Aôndo u A lu a ishimasurun cii, Un u A surun se asema sha atsan a ase cii sha er se kpaa se fatyô u surun mba ve lu ken hanma ican la ishima sha ishimasurun i se ayol a ase kpaa Aôndo A sur se asema a mi la.

Gadia er atsan a Kristu a ngee ken vese yô, kape ishimasurun yase kpaa i ngee sha Yesu Kristu je la.

Se yô, i lu se je er i ôr se ijir i kuugh kera ve yô, lu sha u se̱ de suur sha ayol a ase ga, kpa se̱ suur sha Aôndo u A nderen mbakpenev la.

Un u A ver se ken Kristu a ven imôngo shi A shigh se mkurem kpaa yô, ka Aôndo. Ka Un kpaa A ver se ikav shi A ne se ibumun ken asema ase ye, ka Jijingi je la.

Aluer se mba yan ican kpaa, ka sha u i̱ sur ne asema yô, man ka sha ci u myom wen kpaa. Aluer mba surun se ishima kpaa, ka sha ci u ishimasurun i i lu nan ne u ne̱ taver ishima a atsan a se kpaa se lu yan la.