Popular Bible Verses from 1 Mbakorinte 15

Share

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

Kpa i̱ wuese Aôndo u A ne se mhembe sha Ter wase Yesu Kristu.

De tsughun nen ayol a en ga, ujende mba bov mba vihin mbamlu mba dedoo.

Kpa ka sha mrumun u sha mhôôn u Aôndo je man m lu kwagh u m lu ne ye, man mrumun Na u sha mhôôn u hen a mo la lu gbilin ga, kpa m hemba eren tom a ve cii, nahan kpaa lu mo ga, lu mrumun u sha mhôôn u Aôndo u a lu a mo la.

Yô, ku, mhembe wou ngu hana? Ku, soho wou ngu hana? Soho u kuugh yô, ka isholibo man agee a isholibo gema ka tindi.

Nenge, ka kwaghmyer je m lu ôron ne ye. Ka se cii sé kpe ga, kpa á va gema se cii. Á lu fese je er ka i pelegh ashee nahan, sha mtenge u ikpamkor i masetyô la, gadia á tôngo ikpamkor man á nder mbakpenev vea kera lu mbahôôn ga je, man se yô, á gema se a gema.

Gadia er i lu sha or man ku u ve yô, kape mnder u shin mbakpenev di kpaa i lu sha or je la. Gadia er i lu ken Adam man ior cii ve lu kpen yô, kape ken Kristu kpaa, á gema ior cii vea hingir mbaumav la.

Gadia kwagh u a lu u hôôn ne, ka u una haa kwagh u a lu u hôôn ga la iyol keng, man kwagh u a lu u kpen ne kpaa ka u una haa kwagh u kpen ga la iyol.

Gadia ka u Una ya tor keng, zan zan Una gema mbaihomov Nav cii, vea lu shin angahar a Na. Orihom u masetyô u á tim un kera yô, ka ku.