Popular Bible Verses from 1 Mbakorinte 13

Share

Dooshima we ishima, lu sar sar gbe iwuhe ga; dooshima gengese iyol ga, moron iyol kpaa ga, we dang ga, keren kwagh na iyol na tsô ga, nyoon ishima ga, koson kwagh u bo ken ishima ga.

Dooshima we ishima a akaa cii; un ne jighjigh sha akaa cii, luun a ishimaverenkeghen sha akaa cii, taver ishima sha akaa cii.

Ka saan un iyol a ifer ga, kpa saan un iyol a kwagh u mimi.

Hegen yô, akaa ne nga lun her, ka jighjigh u nan man ishimaverenkeghen kua dooshima, nga atar je; kpa kwagh u hemban ken a yô, ka dooshima.

Dooshima been mayange ga, kpa u ôron akaaôron a profeti yô, á va kar a mi kera, shin a lu ijô kpaa, ia bee, shin a lu mfe kpaa, á va kar a mi kera.

Aluer mea ôron kwagh sha ijô i ior man i mbatyomov mba Shaav je kpaa, mea lu a dooshima ga yô, m hingir er iyôgh ki uvan nahan, shin kwen u kaan.

Aluer i nam u ôron kwaghôron u profeti man mea fa akaamyer cii man kwaghfan cii kpaa, man mea lu a jighjigh u nan je una kuma u moughon a iwo, kpa mea lu a dooshima ga yô, m ngu ma kwagh je ga.

Man aluer mea gema akaa a m lu a mi cii, mea kar mbagenev shin aluer mea na iyol yam mer, i̱ nandem sha usu kpaa, mea lu a dooshima ga yô, á lum a inja sha ma kwagh môm môm ga.

Zum u m lu wanye la yô, m ôron kwagh er wanye nahan, m henen kwagh er wanye nahan, m nengen kwagh ken ishima er wanye nahan. Kpa hegen er m hingir orvesen ne yô, m de akaa a uye la.