Popular Bible Verses from 1 Mbakorinte 11

Share

Mba ye kwaghyan kera yô, A tôô iyongo nahan vough A kaa er: Iyongo ne yô, ka Ikuryan i he i sha awambe Am. Eren nen kwagh ne sha u umbur Mo sha hanma shighe u nea maan i cii. Gadia hanma shighe u nea yaan bredi ne man shi nea maan iyôngo ne yô, ka ku u Ter je ne lu yôôn u ye; zan zan Una kar van.

Gadia mo yô, kwagh u m ngohol un hen Ter yô, m gema m na ne mer: Ter Yesu tôô bredi hen tugh mbu i nenge Un mker la, sughun Aôndo yô, A coon A kaa er: Ngun ka iyol Yam je ne, ngi sha ci wen. Eren nen kwagh ne sha u umbur Mo.

Kpa or nana̱ kar iyol i nan man nana ya bredi la man nana ma iyongo la ye. Kpa u nana ya shi nana ma yô, nan ngu yan man nan ngu man haan mtsaha sha iyol i nan aluer nana kav er i lu iyol i Ter ga yô.

Nahan hanma or u nana ya bredi ne shin nana ma iyongo i Ter sha dang yô, nana lu a ibo sha iyol i Ter man sha awambe a Na kpaa.

Lu nen mbakaven mo er mo kpaa, m kaven Kristu nahan.