Popular Bible Verses from Roma 12

Share

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

Ee, todipusile'to! Gaja napakamoja'ki' Puang Allataala, susi to kupaissenanmo kamu'. Iamo joo kupakainga' kamu' kumua la mipangben tongan to katuoanmi lako Puang Allataala susi karoba tuo to sipato' dipangben lako Puang. La susiri joo to passompami to nakabudai Puang Allataala.

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

Danggi' nataloi kamu' kagajatan, apa mpugauk kamu' kameloan ntaloi kagajatan.

Sipakamoja' kamu' susi to tosile'to, misitaratte' too.

La sipakamoja' tongan kamu'! Kaba'cii to kagajatan, mipengkulleii to kameloan.

Pengkulleii, ke wa'dingngi, misikalino ngasan tau.

Ee, todipusile'to! Danggi' lalo mimangpabalahhi. Ma'namo ia na Puang Allataala mpabalahhii. Nasaba' den diuki' lan Sura' Allataala kumua, “Nakua Puang Allataala, ‘Aku' mpuissenni to mangpabalahhi, Aku'ra to wa'ding mpattantu pangpabalah.’ ”

Danggi' makuttu njamai to jaman-Na Puang Allataala situru' pangpatujun-Na Roh Allataala.

Kupakainga' kamu', nasaba' mangkamo' diben barakka' jio mai Puang Allataala menjaji rasulu': Danggi' misanga kalemi la'bih majao na ia to sitonganna. La miangga' to kalemi situru' pakullemi to napabarakkanan kamu' Puang Allataala, nasaba' kamatapparanmi lako Puang Isa Almaseh.

Danggi' mipasibalahhi kagajatan na kagajatan, pugaukki to nasanga tau melo.

La mesa' penawa kamu'. Danggi' na den ssanga kalena tomajao, apa la siama' kamu' tomajiong. Danggi' misanga kalemi tomacca.

Sibalikanna, ia ke tangbarahhi to ewalimmi, benni kande. Ia ke mawakkei, benni wai. Nasaba' ia ke mipugaukki susi joo, napumasiri'.

Passambajanganni ke denni tau ssessa kamu', nabarakka'ii Puang Allataala, danggi' natampakkii ropu. La pada parannu kamu' sola to toparannu, pada kamu' kumarrak ke denni to tokumarrak.

Parallu kamu' ntulungngi ke denni kaparalluanna padammi tomatappa', mitarima meloi lan bolami, moi na te'dapa misiissen.

Ia to batang kale buda lesoanna. Na pada den patunna to simesa'-mesa' lesoan kale. Susi toomi kita' sola ngasan. Moi budaki', apa butung to sangkalemiriki' na pada siparalluanki', nasaba' memmesa' penawamiki' sola Almaseh.