Popular Bible Verses from Kada Bulawan 22

Share

Ajahhii to tomalolle' tuo messipa' melo llan katuoanna, dikua naratu lako matuanna da'tan messipa' melo.

Ia to naduppa to tongkalaja' ngkasiri' PUANG Allataala na mpamajiong penawa iamo to kasugiran, kadianggasan na katuoan manyaman.

La'bih keangga' to dipau melo sanganta', na ia to nnampui buda ewanan, la'bih keangga' to ditaratte' na ia to diben bulawan sola pera'.

Danggi' lalo sisoba' to tomadoi' bang mabirih ba'tu danggi' siama' to tosalle galli.

Nabarakka'i Puang Allataala to tomalaboh, sanga mbenni kande tokaasi-asi.

Ia to tomelo akkalanna, napessalai ke denni abala' nakita, apa ia to totangmapahangpa, tarruh bang arannai macilaka.

Nakuasai tosugih to tokaasi-asi, Napukaunanni tomangpeindan to todipaindanni.

Den napadan tokaasi-asi na tosugih, pada PUANG Allataala mpadenni.

Danggi' murampa apanna tokaasi-asi, sanga mukua, “La naapara'?” Danggi' mupandasai jio pangra'tasan kara-kara. Nasaba' la Napangkadananni PUANG Allataala, Napateii to torrampai tokaasi-asi.