Popular Bible Verses from Filipi 3

Share

Ee, tomala'bihku'! Te'dara kumua kuampa'mi. Apa ia to kupugauk, iamo to la kupengkulle-kullei ratu lako to kupangngujui, na kupasalaimo penawa to apa pura kupugauk. Ia tee aku', susina' tomassimbara. Kinjara'na' angge cappa'na la nnampa' paraseng. Ia joo paraseng iamo to kumua nasuana' Puang Allataala mentama suruga, nasaba' kamatean-Na Puang Isa Almaseh.

Ia to gaja kukadoangngi iamo to nnissen Almaseh, sola mperasaii to kuasa mpatuo pole'i jio mai kamatean. Madoang toona' mperasai parri' sola kamatean susi to naperasai Almaseh, kudipatuo pole' toda jio mai kamatean keanu'.

Kupurugi ngasan joo, nasaba' kupahang kumua la'bih melo to nnissen Puangku' Puang Isa Almaseh, na ia to laenna. Te'da ngasanmo kupugaukki, na kusangamira burauk, dikua angkuampa'i to Almaseh

Ia to panggaukan to kusanga kupusaro tonna jolona, kupurugimo tee too nasaba' Almaseh.