Popular Bible Verses from Markus 9

Share

Mebalimi Puang Isa nakua, “Ah, apa mukua? Ia ke kukullei? Moi apa nang la jaji, ke nakatappa'i tonganna' tau.”

Ta'pa mebalimi joo ambe'na nakua, “Oo Puang, matappa'na'. Tatulungna' dikka', nasaba' malammai to kamatapparanku'.”

Ia tonna polemo Puang Isa tama bola, na ia mandamo sola anak gurun-Na, mane'ri mekutana to anak gurun-Na nakua, “Oo Puang, ciapari na te'da kikullei nnula'ii joo setang?” Mebalimi Puang Isa nakua, “Te'da laenna to wa'ding nnula'i setang susi joo, passambajangan manda ia.”

Jaji parallu kamu' sipemeloan penawa sola ngasan. Ianna te'da misusi joo, susi bang kamu' ce'la tangbuaci' to te'damo nadikulle mpebuaci'i pole'i.”

“Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', tangngia Aku' manda natarima, apa natarima toomo to Puang Allataala to ssuana'.”

Ingaranni tee kadang-Ku' kumua, ia to tompaiso' kamu', nasaba' mituru'na' Aku', Almaseh, la llolonganni barakka'.”

Nakua Puang Isa, “Ia to tontumangngi sala mesa'na tee mai pea biccuk, nate'damo namatappa' lako Aku', la'bih melo ia, ke ditoke'ii batu pelullu' gose' to kollongna, naditallanan do' tasik.

Ia ke matammu ntumangko mumadosa, cukke'ii! La'biran ke menjaji tangsukku'ko, apa menjajiko umma'-Na Puang Allataala, na ia ke sukku'i to kalemu apa dipatamako naraka.