Popular Bible Verses from Matius 24

Share

Buda tau te'damo nasikamasean, nasaba' sakerangngan-rangngannamo to kagajatan. Apa ia to tomatappa' tarruh ratu lako ssalainna lino, iamo la salama'.

Na ia to Kareba Kasalamatan kumua la ratumi Puang Allataala mangparenta susi Raja la dipangpeissenan lan lili'na lino, dikua nasa'dingngi sininna bangsa. Ianna mangka joo, mane'ri Kiama' lino.”

La ssa'ding kamu' oni kasirarian sola kareba kasirarian, apa danggi' mimalaja'. Nasaba' nang la jaji ngasanni joo, apa te'dapa nawattunna Kiama' lino.

Ia to mesa' bangsa la sirari nnewa bangsa laen, ia to mesa' kaparentan la rrarii kaparentan laenna. Umbo-umbo nanii la den nino sola karorian la'da'. Ia tuu lako, mane' pamulannari kamasussan susi pa'dikkina ke mane' mangnguriwa'i to baine la keanak.

Ia to langi' sola lino la lanynya', apa ia to kadang-Ku' la tatta' te'da cappa'na.”

Nasaba' buda tau la ratu mpusanga sangang-Ku' nakua, ‘Aku'mo Raja Mangpasalama'!’ na buda tau la napalao sala.

Ia joo wattu la dijokko kamu' midisessa ammidibuno. La nakaba'ci kamu' sininna bangsa, nasaba' mituru'na'. Ia joo wattu buda tau la balik mentangmatappa', na la mpangpejokkoan solana na sikaba'ci too. Buda nabi tangtongan la ratu mpalao sala buda tau.

Mebalimi Puang Isa nakua, “Majaga kamu', danggi' naden tau mpalao sala kamu'.

Iamo joo, la da'tan bang kamu' majaga, nasaba' ia to karatuan-Ku' tee Aku', Anak Mentolino, te'da mikalannaii.”

Jaji majaga kamu'! Nasaba' te'da miissenni kumua, piranra kularatu.

Nakuapa Puang Isa, “Te'da tau nnissenni to wattu karatuan-Ku', moi malaeka' jao suruga, moi tee Aku', Anak, Ambe' manda ia to nnissenni.

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Ia ke wattunnamo' ratu pole' tee Aku', Anak Mentolino, la susi tonna linona Nabi Nuh tonna anu'. Ia tonna te'dapa namangngola joo wai saba', ia to tau mangmaroah-roah bang nakebaine-kemuane. Susi tarruhmi joo ratu lako mentamanna kappala'na Nabi Nuh. Ia tonna mangngolamo to wai saba' la ssamboi ngasanni, mane'ri sabakan ngkitai apa to jaji. Susi toomi to la jaji ke ratu pole'na' tee Aku', Anak Mentolino.