Popular Bible Verses from Matius 18

Share

Nasaba' umbo-umbo nanii dua tallu taung-Ku' massambajang, la jiona' sola.”

Na la miingaran too kumua, ia ke den kamu' dua tau mesa' penawa massambajang meta'da lako Ambe'-Ku' jao suruga, nang la diben kamu' to mipeta'danna.

Natambaimi Puang Isa to pea biccuk, napajenjenni lan tangnga. Nakua, “La miingaran tee kadang-Ku' kumua, ia ke te'da mipatorro sipa' jolomi, ammisusi pea, te'da milamenjaji umma'-Na Puang Allataala.

Ia to tau mpamajiong penawanna susi tee pea, iamo kaminang mala'bih jio mai umma'-Na Puang Allataala.

Ia to tontarima pea to susi tee, sanga kamatapparanna lako Aku', pada bang unamo to Aku' natarima.”

Mpatarruhpa kadan-Na Puang Isa nakua, “La miingaran tee kadang-Ku' kumua, apa to mipangnganggai lan lino, napangnganggai toda Puang Allataala jao suruga. Na ia to mieloran lan lino, naeloran toda Puang Allataala jao suruga.

Natampakkimi Puang Isa joo curitan-Na nakua, “Susi toomi Ambe'-Ku' jao suruga, la napasusi too kamu', ke te'da midampangan tongan padammi rupa tau.”

Mpatarruhhi kadan-Na Puang Isa nakua, “Ia to tontumangngi sala mesa'na tee mai pea biccuk nate'damo namatappa' lako Aku', la'bih melo ia, ke ditoke'ii batu pelullu' gose' to kollongna naditallanan do' tasik.

Matumbai pahangmi? Ia ke denni tau nnampui saratuh bembala', nata'de mesa', apara la napugauk to puangna? Tantu la napatorroi to kasera pulona kasera jio sare buntu, namale ntiroi joo ta'dena.