Popular Bible Verses from Galatia 5

Share

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh, mpamajiong penawa, mparenta kalena. Te'da ia atoran agama nnanggaii to panggaukan susi joo.

Ia to kusanga iamo to: Ake'mo na Roh Allataala mpatuju kamu' lan katuoanmi, dikua nate'da mituru'i kamadoangan gaja'mi.

La nturu'miki' Roh Allataala, nasaba' mangkamiki' naben katuoan baru!

Na ia to taun-Na Puang Isa Almaseh mangkami naca'bean to kamadoangan gaja'na.

Ia to kamadoangan penawanna tau pajan bang jio panggaukan gaja'na, susinna manggauk sala, sala kedo, mangkada carepa, ssompa dewata, pangngissenan, kasisakkan, siallang, mangngimburu, kamabirisan, ngkitan mesa kale, te'da namesa' penawa, mpasisala tau, masere ati, pangmalangoan, takkaliwa' mangmaroah-roah na budapa to susinna joo. Ia ngasan to panggaukan susi joo kupakainga' kamu' susi to kupauan kamu' tonna tee, kumua ia to tompugaukki to susi joo, te'da namenjaji umma'-Na Puang Allataala.

Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.

Nasilaenan pangkabudaianna tolino na pangkabudaian-Na Roh Allataala. Siewa tarruhhi sola dua, sanga madosa ngasan to tau. Iamo joo na te'da mikullei mpugaukki apa to mikadoangngi.

Nasaba' sininna atoran agama dipamesa' lan mesa' parenta to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu!”

Danggi' tamatampo, danggi' too tasipa'dikan penawa iarika sipangngimburuan.

Nala'paranmiki' Almaseh jio mai atoran agama! Iamo joo la mitoe mandik to kadila'paranmi jio mai kakaunanan, danggi' napukaunan pole' kamu'.