Popular Bible Verses from Efesus 5

Share

Turu'i to sipa'-Na Puang Allataala, nasaba' kamu'mo anak napakamoja'. La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Iamo joo mangngingaran melo kamu', danggi' mimessipa' susi tobango', apa la messipa' susira kamu' tomasaranian. La mipake to wattummi mpugaukki to dipumelona, nasaba' gaja' sipa'na to tau tee wattu.

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'. La sipamasumanga' kamu' makkelong Zabur sola kelong pangpujian, mimakkelong situru' canning atimmi ke sitammu kamu' mpakala'bih Puang. La mangkurru sumanga' tarruh kamu' lako Ambe'ta' Puang Allataala mpau sangan-Na Puangta' Puang Isa Almaseh, nasaba' sininna to mangka napugauk lako kamu'.

Danggi' messipa' susi tobango', apa la miissen to pakkaeloran-Na Puang.

Ee, kamu' muane! Pakamoja'i to bainemi susi Almaseh mangpakamoja' napangkaroban kalena ssulle tomatappa'.

Ia tonna jolona ia to sipa'mi susi sipa'na to tote'da naissen Puang, apa ia tee too nnissenmo kamu' Puang. Iamo joo ia to panggaukanmi la susi unamo panggaukanna umma'-Na Puang.

La mangpasituru' kamu' mesa' sola mesa'. Iamo buttinna kumua mikasiri' to Almaseh.

Ee, kamu' baine! La menturu' kamu' lako muanemi susi lako Puang.

Jaji, ia to pangpakamoja'na muane lako bainena la pada pangpakamoja'na lako kalena, na ia to baine la ngkasiri' muanena.

Den diuki' lan Sura' Allataala kumua, “Iamo joo na ia to muane la messarakki jio mai tomatuanna, namale memmesa' sola bainena, nasangkale sola dua.”

Danggi' mipugaukki susi to napugauk to tote'da naissen pakkaeloran-Na Puang, nasaba' te'da lalo napumelona tau joo apa napugauk. Apa la mipaissennii kumua tangmelo joo.