Popular Bible Verses from 2 Tesalonika 2

Share

Moi apa nakua tau, danggi' lalo mimatappa', sanga tomangnguragara. Nasaba' den dua kara-kara la jaji namane' ndete'i wattu karatuan-Na pole' Puang Isa. Mangpempissenna buda tau la mpessakkanni Puang Isa. Na mangpenduanna den mesa' tau la mpangpekitan kalena, iamo to Togaja' to napattantumo Puang Allataala la mentama naraka.

Ee, tomala'bihku' to napakamoja' Puang Isa! Tuli mangkurru sumanga'kan lako Puang Allataala nasaba' te'dapa nadipaden tee lino napilei jolomo kamu' Puang Allataala la napasalama'. Dipasalama' kamu', nasaba' kuasan-Na Roh Allataala mpilei kamu', napupenjaji kamu' tau mesan-Na, mikatappa'i tooi to pangngajaran tongan jio mai Puang Allataala.

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na. Iamo joo dennaa upa' napamasumanga' tarruh kamu' mpugaukki to sininna kameloan, la panggaukanmi, la buangan kadammi.

Iamo joo naparatuanni Puang Allataala pangtangngaran sala tuu lako tau, dikua nakatappa'i to kada tangtongan napau joo Togaja'.

Ia joo Togaja' la napaollong Ballisi', na mpaden mangrupa-rupa to apa makalaen-laen na mejangngaran, apa sininna joo te'da ngasan natongan. La mpake mangrupa-rupa akkalan gaja' mpalao sala toladisessa. La disessa tuu lako tau, nasaba' te'da nakabudai nacia' ntarimai to pangngajaran tongan jio mai Puang Allataala to mpasalama'i.

Sitonganna ia to kuasa kagajatan to ngkuasaii joo Togaja' mangjama buni bang lan lino tee too. Ia ke dialaimi to hhalangngii joo Togaja'